cultura

01 Novembre 2008 | in categoria/e cultura

L'AERBO - L'albero

L’AERBO
L’aerbo che ammïavo tutti i giorni o no ch’è ciù;
in te ‘na nêutte de troin e lampi
‘na saèta ciù forte a l’ha tiòu zù.
Oua cianze a taera
e fêugge spampaggiae pe-o pròu,
e rame pä che forman ‘na cadenn-a
a-o tronco mutilòu e tutto bruxòu.
O l’ëa l’aerbo ch’ha ciantòu mae messiavo
ch’o cüava con amô, o bagnava, o poava,
ogni travaglio o l’ëa comme n’orassion.
O vëgetto o l’è sparïo ‘na mattinn-a
pe’ andâ a ciantâ aerobi in to giardin do çê
e visto che nisciûn de niätri o cüava
o l’ha pensòu de portäselo con le.
Tutti emmo perso quarcosa:
e passoete che ghe faxeivan o nïo han perso casa,
e mì de stae sott’a-a seu ombra
ho perso o fresco ch’o me rescioava.
Veddo quello tronco monco
Comme ‘na croxe in mëzo a-o pròu,
penso a-o me vëgio con tristessa
e a tûtto quello ch’o m’ha insegnòu.
L’ALBERO
L’albero che guardavo tutti i giorni non c’è più,
in una notte di tuoni e lampi
una saetta più forte l’ha buttato giù.
Adesso piange a terra, le foglie sparse per il prato,
i rami sembra formino una catena al tronco mutilato e tutto bruciato.
Era l’albero che aveva piantato mio nonno
Che lo curava con amore, lo bagnava, lo potava,
ogni lavoro era come un’orazione.
Il vecchietto è scomparso una mattina
Per andare a piantare alberi nel giardino del cielo
E visto che nessuno di noi lo curava, ha pensato di portarselo con sé.
Tutti abbiamo perduto qualcosa:
i passeri che ci facevano il nido han perso casa
ed io d’estate sotto alla sua ombra
ho perduto il fresco che mi rincuorava.
Vedo quel tronco mutilato come una croce in mezzo al prato
Penso al mio vecchio con tristezza
e a tutto quello che mi ha insegnato.