cultura

01 Gennaio 2009 | in categoria/e cultura

Emigrante

E ti te ne vae
lasciando derrê a tì,
o tò paise, a famiggia e i amixi
pe' poeì çercâ o moddo de tiâ a campâ.
'Sta taera ch'a l'ha visto a fadiga
de quelli che gh'han misso i pê,
anchêu a no ne pêu ciù aggiuttâ
coscì a te dixe: ti devi emigrâ.
Allöa, ommi e donne co-a va1ixa zà pronta
se son faeti coraggio a-o grande sãto,
e a stradda de Meriche han dovûo
piggiâ..
Cattaen e Maxin
òua co-i cavelli ingiancae da a neive,
vorrieivan tornâ.
perchè a sò taera no se l'han mai ascordà.
In lô se resveggia o sentimento
che pe' tanti anni o l'è restòu ascôso,
foscia, se pêu sciortî de casa anche solo pe 'na demôa
ma quande o magon o l'arriva a-o chêu,
se sente solo 'na lontann-a voxe ch'a te dixe:
chì t'é nasciûo e chì ti döviae tornâ.