cultura

01 Maggio 2009 | in categoria/e cultura

TANTE VOXE Voxe, tanto cäe da periferia tûtt'assemme s'eì campagna e çittae...

Voxe, tanto cäe da periferia
tûtt'assemme s'eì campagna e çittae,
voxe, cori do remescio do mâ,
mentre e çimme
de vostre collinn-e
pä che abbrassan
ûn canto do çê.
Voxe, che sciortan da-e case
misse comme sordattin in fila
da-o deschinâ do monte,
che dan sêunni
e fan da spëgioa n'arcobaleno
de luxe e ombre in sciä taera.
Voxe da campagna,
fra canti de çigae e grilli,
xêui de rondaninn-e
che ritornan a-o nïo
a-o sûnnâ do vêgio convento.
Vixioin, parolle,
tante voxe de drento,
ûn castello de ricordi
faeto d'amô e poexia.
Mì çerco de zûgaghe a scondillô
ma loiatre zêugan
in ta mae memöia.
A-o spuntâ do sô
de'n neuvo giorno,
me-e tegno ben streite
'ste compagne
de tûtta 'na vitta.

MOLTE VOCI
Voci, molto care della periferia,
insieme siete campagna e città,
voci, cori del rimescolare del mare,
mentre le cime
delle vostre colline
sembrano che abbracciano
un angolo di cielo.
Voci, che escon dalle case
messe come soldatini in fila
dalla discesa del monte,
che danno suoni
e fanno da specchio a un arcobaleno
di luci e ombre sulla terra.
Voci della campagna,
tra canti di cicale e grilli,
voli di rondini
che ritornano al nido
al suonare del vecchio convento.
Visioni, parole,
molte voci interiori,
un castello di ricordi
fatto d'amore e poesia.
Io cerco di giocarci a nascondino,
ma loro giocano
nella mia memoria.
Al sorgere del sole
di un nuovo giorno
me le tengo ben strette
queste compagne
di tutta una vita.