cultura

01 Dicembre 2008 | in categoria/e cultura

Lettera a-o Bambin Cäo Bambin che stanêutte ti vegni a nöiatri in ta tò bontae...

Cäo Bambin che stanêutte ti vegni a nöiatri in ta tò bontae,
ti ne porti i regalli ciu belli caitae, paxe e semplicitae.
A chi ‘na casa gh’ha dagghe ûn rifugio segûo,
a quelli senza travaglio ûn pan ti peu dâ,
a-a zôventù ûn lûxente avvegnì
perché travagliando possan güagnâ.
A chi rovinn-a i nostri figgi
con fäse illûxioin, cattiverie e maligniate,
daghe o tò grande perdon pe-o mä faeto a l’ûmanitae.
Fanni che dedäto a ‘sta taera
no tronn-e o cannon,mì staseja te vêuggio pregâ,
respinzi o vento da guaera
e che paxe pe-a nostra gente a possa continuâ.
Pe- nostro paise, feliçitae, serenitae, ghe veu amô,
scordemmose a nêutte scûa
fanni tì che posse sempre lûxì o sô.
E in sce l’atto che o campanâ o sêunna
e in gexa a gente canta,
segge sempre benedïa questa grande nêutte santa.
Stanêutte a gente, strenzendose a man,
a faià camminâ o pensiero a tûtto o mondo scibben lontan,
pe’ chi cianze e patisce,comme n’aûgûrio de bontae,
posse arrivâ a-i popoli do mondo
a nostra preghëa de paxe e de fraternitae.