personaggi

00 Dicembre 2007 | in categoria/e attualita

O Mæ Presepio

Vëgne Dixembre
e comme tutti i anni han preparòu
con erba cocca, casette e statuinn-e
pappê ammacciæ de roccia e de çê, o presepio do quartê.
Ma o Presepio a-o quæ son tanto ligou
o l’è quello che ciancianin
da solo me son preparòu.
Con tocchetti de stagnêua,
avansæ desfasciando ciccolatin
che m’han regallòu,
ho preparòu un Presepio cäo, ma piccin.
In te’n canto ch’o luxe anche a-o scûo
ho fæto ‘na capanna, ‘na stella cometa,
Giuseppe e Maria, pastöi, pegoëte
e i Re Magi vegnûi da lontan pe’ faghe compagnia.
Quæxi sensa accorzimene a riserva de stagnêua a l’è finïa,
e se no arriva un urtimo regallo, saià diffiçile
poèi fâ o Bambin ch’o nasce a-o canto di angëi vixin.
Cose o saieiva un Presepio sensa o Bambin,
no fæ restà vêuo quello posto;
regallæme pè piaxeì ‘na scatöa de ciccolattin.
A mæ fantaxia a camminn-a e mi me sento tanto piccin,
finalmente arriva o regallo tanto çercòu: i ciccolattin!
Coscì feliçe pöso in te ‘na grêuppia tra o bêu e l’azenetto
anche se o pà fæto d’öu o Santo Bambin,
ch’o porta in to chêu e in te case
feliçitæ e tanta muxica de paxe.

Tags: cultura e tradizioni